Presented by: Samuel Seke (ABC Pacific Radio)
United Liberation Movement blong West Papua itok pasin oli makim pinis ol memba blong Senate, ol memba blong Legislative Council, na Regional Council i minim olsem oli nau gat wanpla “government in waiting”.
Long miting blong ova 3,000 long ol delegates blong ULMWP long Jayapura last wik, oli makim Benny Wenda olsem President na Edison Waromi olsem Praem Minista…na moa long 2,300 long ol representative insait long West Papua Provisional Gavman.
Mr Wenda itok displa Provisional Gavman inau wok long karim aut ol wok bihainim Constitution blong ol long kamapim independence.